Stryn Skisenter er eit godt utgangspunkt for mange flotte toppturar!

Natakupa (1400 moh)
Natakupa ligg rett fram dersom du tek Steindalsheisen heilt opp. Då har du ca 400 høgdemeter igjen før du når toppen. Det tek ca 1,5 time til du er på 1400 moh, og då har du flott utsikt og ei super nedkøyring i vente!

Hestefjellet/Sølvberget (1303 moh)
Hestefjellet ligg til venstre dersom du tek Steindalsheisen heilt opp. Etter ca 1 time har du lagt bak deg ytterlegare 300 høgdemeter og befinn deg på toppen! Utsikta er upåklageleg, og du kan nyte ei flott nedkøyring!

Kyrkjenibba (1400 moh), Gryta (1032 moh), Karifjellet (1320 moh) og Gullkoppen (1306 moh) er også gode toppar med flotte nedkøyringar.

Guide
Dersom du ikkje er så røynd i høgfjellet, og treng guide for å gå til topps, kan vi vere behjelpelege med det. Vi ønskjer at du bestiller tur 2 dagar i førevegen og max antal personar pr guide er 5 stk.

Prisen er:
1 person kr 2000,-.
Kr 500,- for deltakar nr 2, 3, osv.